11 Nov, 2019 沒有你在身邊的第十六日

今日一早起山身有同你傾計,但一樣都忍唔住喊,但傷心比之前一樣少左一點點,今日比平日早左出門口,但一樣遇上我控制唔到的事情,最後坐小巴,轉巴士,再坐巴士出到市區,但我暫時都唔可以坐太耐車,還要遇上大塞車,最後還是選擇落車行左1.5小時再坐巴士番工,大家都好忙睇各區情況,同埋傾下食咩,時間都過得好快,之後可以放早二小時,收工去到巴士站,但無車,所以轉左去坐地鐵,最後二小時多啲就番屋企,因為lunch食多左,所以晚餐無食,但有飲雪梨蘋果水,仲叻左,睇左少少你既相同video,都無喊,希望我可以慢慢每日都叻少少,進步少少,我記得你既教導,我會慢慢做好啲,生活好啲,對自己好啲,你都要叻仔,飛遠啲,唔使擔心我,好多人會照顧我呀。

四年的今天日如四年前的當天

四年前的愚人節,我在晚上聽到一個消息,在中環文華酒店對開的馬路旁,發現有一名男子在高處墜落,現場消息報導,該男子是歌星張國榮

,我當時的反應係,傻啦,邊個咁大整蠱呀,原來唔係大話,係真話,我雖然唔係哥哥的歌迷,但當時真係好失落,因為真係又少左一個明星,平時我都冇一次過聽哥哥d歌,不過我當時後悔冇睇過佢的演唱會,之後的日子每次當聽到他的歌,真係好有味道,風再起時,有心人,側面,stand up, monica,左右手,沉默是金,紅,明星,好多歌大家都唔會唔識,原來我當時真係知道這句話好貼切,失去左先懂得珍惜

,人好多時都係,有的時候係唔會珍惜,例如,人同人的關係,(我冇左你這個朋友我仲有大把朋友),(我地離婚啦),(我地分手),講有邊個唔識講,但係失去左真係冇得番轉頭,我之後的幾年都失去左好多,包括在2005年的12月份同一年的同一個月我失去一位親人,同一位我好尊敬的人,這二件事是我冇辦法去接受,我真的受傷了,我好不容易才站起來,但係我今年的三月份亦失去一位認識十六年的朋友,可能人大左真係失去的更多,希望大家睇完這篇文章,大家真係用少少時間想一想,可以去愛多家人少少嗎,可以打電話比一些你好耐冇見的朋友嗎,可以同你的愛侶講多一句窩心的說話嗎,可以同父母講一句我愛你嗎,只係一句簡單的說話,就可以拉近彼此的距離,不用花錢,只係花大家少少時間,點解唔做呢,愛要坐言起行,唔好愛得太遲